Este blog nace para dar a coñecer Millares e os seus arredores, a súa historia, paisaxes e costumes. Para que as persoas que un día tiveron que emigrar e non puideron volver á súa terra, poidan sentirse un pouco máis preto das súas raices e compartir cos seus descendentes esta parte da súa vida que quedou atrás, pero que non quedou no esquecemento. Para todo os demás, este será un espazo no que con toda liberdade, poidan dar a súa opinión e compartir os seus recordos e historias.
27 de xan. de 2013
Serra do nacente
6 de xan. de 2013
Aldeas da parroquia II
Segundo a Real Academia Galega, Braña é:
*un prado con auga perenne, pasto de verán que polo común está na faldra dalgún montecillo onde hai auga e prados.
*cualquier prado para pasto onde haxa auga ou humidade, aínda que non haxa monte.
É a segunda en poboación por detrás de Millares, nesta aldea encóntrase a igrexa parroquial de San Miguel e o cemiterio parroquial, ata hai pouco tempo tamén estaba aquí a reitoral, na cal viviron noutros tempos (dende finais do ano 1800 ata o ano 1980), todos os curas da parroquia, aínda que a reitoral foi derrubada fai pouco máis dun ano debido ao seu estado de abandono.
As mellores vistas da Braña conséguense dende o alto da serra do Miradoiro, aínda que tamén dende a pista que vai de Abrairas a San Román.
Existe pouca información escrita sobre a aldea, entre o ano 1846-50, Pascual Madoz elaborou un dicionario no cal recompilou información sobre todos os pobos de España e isto é o que escribiu sobre a parroquia de San Miguel da Braña: Diccionario Madoz.
Información máis extensa sobre a parroquia, áchase recollida no Catastro do Marqués da Ensenada, do ano 1753, por el sabemos que a nosa parroquia pertencía ao señorío do Marqués de Montaos, quen por razón de señorío e vasalaxe non percibía nada, onde se achaban os cinco muíños da parroquia e a quen pertencían, que Thomé Ferreiro, un veciño da Braña tiña unha taberna alugada en Millares e canto pagaba de aluguer aos veciños de Millares por ela... pero sobre o Catastro de Enseada falaremos extensamente noutra ocasión.
Subscribirse a:
Publicacións (Atom)